ნინო ლომჯარია სახალხო დამცველის უფლებამოსილების შესრულებას შეუდგა. ის თანამშრომლებს გაეცნო და ომბუდსმენის სტატუსით პირველი განცხადება გააკეთა. მან რამდენიმე პრიორიტეტზე გაამახვილა ყურადღება – ქალთა და არასრულწლოვანთა უფლებების დაცვაზე.
ნინო ლომჯარია პარლამენტმა 30 ნოემბერს აირჩია – საპარლამენტო უმრავლესობამ არასამთავრობოების მიერ შერჩეული კანდიდატურებიდან აარჩია.
ნინო ლომჯარია იყო სახელმწიფო აუდიტის სამსახურის ხელმძღვანელის პირველი მოადგილე და “სამართლიანი არჩევნებისა და დემოკრატიის საერთაშორისო საზოგადოების” აღმასრულებელი დირექტორი.
სახალხო დამცველს პარლამენტი 5 წლით ირჩევს.
უჩა ნანუაშვილს უფლებამოსილების ვადა 7 დეკემბერს ამოეწურა.