ლევან ჯიქურმა გათავისუფლების შემდეგ პირველი კომენტარი გააკეთა

region
ავტ.: region ოქტომბერი 8, 2019 15:33

ლევან ჯიქურმა გათავისუფლების შემდეგ პირველი კომენტარი გააკეთა

სამთვიანი პატიმრობის შემდეგ, 20 ივნისის საქმეზე დაკავებული ლევან ჯიქური სასამართლო დარბაზიდან გათავისუფლდა. თბილისის საქალაქო სასამართლომ დაკავებულს აღმკვეთი ღონისძიება პატიმრობა, 2000 ლარიანი გირაოთი შეუცვალა.

ლევან ჯიქური ეტლით მოსარგებლეა და ბოლო დროს მისი ჯანმრთელობის მდგომარეობა საპატიმროში დამძიმდა.

ჯიქური სასამართლო სხდომაზე ბრალს ნაწილობრივ დაეთანხმა, თუმცა ის ჯგუფურ ძალადობაში მონაწილეობას კატეგორიულად უარყოფს.

“მე დამნაშავედ არ ვცნობ თავს. რაც კადრი ჩანს, რომ მე რაღაცა ფარს ვხმარობ, მხოლოდ მაგ ნაწილს ვაღიარებ. ბრალად მომიყენეს სახელმწიფო გადატრიალებაში მონაწილეობა, რომელ ფაქტსაც ადგილი არ ჰქონია. მე რუსთაველზე მივედი იმის გამო, რომ ხალხს ესროდნენ ტყვიებს და ვინმეს რამეში დავხმარებოდი. ფარი კი შეკავების მიზნით გამოვიყენე, რომ პოლიციელი შემეკავებინა, სხვა დაკავებულები სასამართლოში გავიცანი. ხელ-ფეხი მაქვს გაჩერებული, კიდურები მიწვრილდება, ფილტვებზე პრობლემები დამეწყო და ქრონიკულ დაავადებაში გადამივიდა. 50 დღე დამჭირდა შიმშილობა, რომ დღევანდელი დღისთვის მიმეღწია,”- აღნიშნა სასამართლო დარბაზიდან გამოსვლის შემდეგ მედიასთან ჯიქურმა.

გირაოს შუამდგომლობით მოსამართლეს დაცვის მხარემ მიმართა. ჯიქური ეტლით მოსარგებლეა და საპატიმროში მისი ჯანმრთელობის მდგომარეობა დამძიმდა.

region
ავტ.: region ოქტომბერი 8, 2019 15:33

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,376
ვიზიტორი
დღეში
Powered By Google Analytics