ლეიბორისტებმა ლანჩხუთში მაჟორიტარი დეპუტატობის კანდიდატი წარადგინეს. ლანჩხუთი-ჩოხატაურის საარჩევნო ოლქში შრომის პარტიის წარმომადგენელი ტარიელ კალანდარიშვილი იქნება. ის დღეს ქალაქის ცენტრში შეკრებილებს ლეიბორისტული პარტიის ლიდერმა გააცნო. შალვა ნათელაშვილმა ლანჩხუთელებს შრომის პარტიის პრიორიტეტები შეახსენა და არც მოქმედი ხელისუფლების, მათ შორის ბიძინა ივანიშვილის მკაცრი კრიტიკა დაავიწყდა.
“რეჟიმი გაკოტრებულია, მათ პარტიას არანაირი შანსი არ გააჩნია, ერთადერთი იმედი ახლა მიპყრობილი აქვთ მილიონერ მაჟორიტარებზე, რომლებსაც ჰგონიათ, რომ გაათრევენ ვერცხლით და ფულით. ჩვენ დაუპირისპირეთ აი ამ მტაცებლურ ინსტიქტს, ღირსეული პიროვნება მაჟორიტარობის კანდიდატად საქართველოს პარლამენტში ბატონი ტარიელ კალანდარიშვილი, რომელიც ისტორიაში არსებული ყველა სახელოვანი გული პოლიტიკოსების სიმბიოზია,“ – განაცხადა ნათელაშვილმა.