ლაგოდეხის მთებში ნაპოვნი მამაკაცი, რომელიც, სავარაუდოდ, ექვსი თვის წინ გაუჩინარებული სამი მონადირიდან ერთ-ერთია, მაშველებმა ჩამოასვენეს. როგორც საგანგებო სიტუაციების მართვის სააგენტოში აცხადებენ მაშველებმა მთებში ნაპოვნი მამაკაცის ცხედარი დღეს ჩამოასვენეს.
არსებული ინფორმაციით, მამაკაცის ცხედარს, იდენტიფიკაციის დადგენის მიზნით, ექსპერტიზა უტარდება. შსს-ს ინფორმაციით, მომხდარზე გამოძიება სისხლის სამართლის კოდექსის 115-ე მუხლითაა დაწყებული, რაც თვითმკვლელობამდე მიყვანას გულისხმობს.
ლაგოდეხში ოთხი მონადირე სანადიროდ 28 დეკემბერს გავიდა. ერთი მათგანი სამი დღის შემდეგ დაბრუნდა ოჯახში, დანარჩენებს კი ეძებდნენ.