თბილისში, რუსთაველის გამზირზე, პარლამენტის შენობის წინ, ხვალ სამოქალაქო პლატფორმა „ახალი საქართველოს“ დაფუძნების ღონისძიება გაიმართება.
როგორც ”თაიმერს ”ახალი საქართველოდან” აცნობეს, „ახალი საქართველოს“ ლიდერი გიორგი ვაშაძე დამსწრე საზოგადოებას 15:00 საათზე სიტყვით მიმართავს.
”ახალი საქართველოს” ინფორმაციით, 14:00 საათზე, რეგიონებიდან ჩამოსული მოქალაქეები და თბილისის მცხოვრებლები მსვლელობას ერთდროულად ვარდების მოედნიდან, თავისუფლების მეტროდან და კოლმეურნეობის მოედნიდან დაიწყებენ.
