საქართველოს კონსტიტუციის პროექტის საყოველთაო-სახალხო განხილვის პირველი ეტაპი ხვალ დასრულდება.
შეხვედრა თბილისში, ფილარმონიის დიდ საკონცერტო დარბაზში გაიმართება.
საკონსტიტუციო ცვლილებების საყოველთაო-სახალხო განხილვა 5 მაისს ქუთაისიდან დაიწყო. შეხვედრები რუსთავში, მცხეთაში, თელავში, გორში, ახალციხეში, ზუგდიდში, ბათუმში, ჩოხატაურსა და ამბროლაურში ჩატარდა.
როგორც პარლამენტის თავმჯდომარემ ირაკლი კობახიძემ განაცხადა, კონსტიტუციის პროექტის საყოველთაო-სახალხო განხილვის მეორე ეტაპი დაიგეგმება და უახლოესი კვირების განმავლობაში გაგრძელდება.