ცესკოს ინფორმაციით, ხონისა და ვანის გაერთიანებულ ოლქში ხვალ შუალედური არჩევნები ჩატარდება. კენჭისყრის პროცესისთვის ყველაფერი მზადაა. არჩევნები 60 საარჩევნო უბანზე გაიმართება, სადაც ჯამში 48 ათასზე მეტი ამომრჩეველია რეგისტრირებული.
არჩევნებს 26 სადამკვირვებლო ორგანიზაციის წარმომადგენელი დააკვირდება. რეგისტრაცია გაიარა სამმა საერთაშორისო ორგანიზაციამ. არჩევნებში მონაწილეობას 6 კანდიდატი მიიღებს.