ხობში ენმ-ს წევრებს “ქართული ოცნების” ოფისის დაბოქლომების საშუალება არ მისცეს. რამდენიმე წუთის განმავლობაში მმართველი პარტიის ოფისთან ხმაური და დაპირისპირება იყო, რაც საბოლოოდ იმით დასრულდა, რომ ენმ-ს წევრებს ბოქლომი წაართვეს და ოფისიდან ორი ცოცხი გამოიტანეს.
“მასკარადი”,- ასე აფასებენ მმართველი გუნდის მხარდამჭერები პროტესტის ამ ფორმას. ოპოზიციური პარტიის წევრები კი, ხობის მაჟორიტარს დაჩი ბერაიას რაიონის სირცხვილს უწოდებენ.
“ბიძაშვილ-მამიდაშვილის კანტორად რომ აქცია აქაურობა და ვითომ ივანიშვილს შეეწინააღმდეგა, დავაბოქლომებთ მაინც!”-აღნიშნა პარტიის ხობის ორგანიზაციის წარმომადგენელმა ია ჯიშკარიანმა.
