უკრაინის შეიარაღებული ძალების საჰაერო ძალებმა ხერსონის ოლქის ცაში რუსული სუ-35 გამანადგურებელი ჩამოაგდეს, – ამის შესახებ უკრაინის შეიარაღებული ძალების საჰაერო ძალების სარდლობა იტყობინება.
„დღეს, 27 მაისს, დაახლოებით 14:00 საათზე, უკრაინის შეიარაღებული ძალების საჰაერო ძალების MiG-29 გამანადგურებელმა ხერსონის ოლქში რუსული სუ-35 გამანადგურებელი ჩამოაგდო“, – ნათქვამია განცხადებაში.
უკრაინის შეიარაღებული ძალების გენერალური შტაბის მონაცემებით, 24 თებერვლიდან 27 მაისამდე უკრაინელმა სამხედროებმა 206 რუსული თვითმფრინავი ჩამოაგდეს.