ხაზარაძე-ჯაფარიძის საქმეზე სამართლიან და გამჭვირვალე პროცესს მოველით – EBRD

თაიმერი timer.ge
ავტ.: თაიმერი timer.ge ივლისი 26, 2019 11:37

ხაზარაძე-ჯაფარიძის საქმეზე სამართლიან და გამჭვირვალე პროცესს მოველით – EBRD

ევროპის რეკონსტრუქციისა და განვითარების ბანკი მამუკა ხაზარაძის და ბადრი ჯაფარიძის მიმართ პროკურატურის მიერ წარდგენილ ბრალდებას ეხმიანება და სამართლიან და გამჭვირვალე გამოძიებას ელის: “ჩვენ ველით სამართლიან და გამჭვირვალე პროცესს, ასევე, სწრაფ გადაწყვეტილებას, რომელსაც ნეგატიური გავლენა არ ექნება ბანკის საქმიანობაზე”, – აცხადებს EBRD.

ევროპის რეკონსტრუქციისა და განვითარების ბანკი მიესალმება გადაწყვეტილებას, რომლის მიხედვითაც მამუკა ხაზარაძემ და ბადრი ჯაფარიძემ დატოვეს თანამდებობები თიბისი ბანკის ჯგუფში.

ცნობისთვის, საქართველოს მთავარმა პროკურატურამ 24 ივლისს “თიბისი ბანკის” დამფუძნებლებს, მამუკა ხაზარაძესა და ბადრი ჯაფარიძეს ბრალი წაუყენა სისხლის სამართლის კოდექსის 194 მუხლის მე-2 ნაწილის „ა“ და მე-3 ნაწილის „გ“ ქვეპუნქტით, რაც უკანონო შემოსავლის ლეგალიზაციას ნიშნავს.

გამოძიება ჯაფარიძეს და ხაზარაძეს 16 754 000 ამერიკული დოლარის გათეთრებაში ადანაშაულებს. საუბარია 2008 წელს განხორციელებულ ტრანზაქციზე.

ხაზარაძე და ჯაფარიძე წარდგენილ ბრალს არ ეთანხმებიან და აცხადებენ, რომ მათ წინააღმდეგ სახელწიფო მანქანა ანაკლიის პორტის გამო ებრძვის.

თაიმერი timer.ge
ავტ.: თაიმერი timer.ge ივლისი 26, 2019 11:37

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,408
ვიზიტორი
დღეში
Powered By Google Analytics