თუ ვინმე ებრძვის ჩვენს კულტურას და იდენტობას ეს არის „ქართული ოცნება“ , – განაცხადა დეპუტატმა ხატია დეკანოიძემ პარლამენტის პლენარულ სხდომაზე.
მან კინოცენტრში ბოლო დროს განვითარებულ მოვლენებზე ისაუბრა.
„კინოცენტრის დეპარტამენტის დირექტორის მოადგილედ დაინიშნა „პოსტ ტვ“-ს ერთ-ერთი პროპაგანდისტი, რომელიც ღიად ანტიდასავლურ, რუსულ პროპაგანდას ეწევა და ცნობილია ის ზიზღის შემცველი ენა, რაც ამ ტელევიზიით ვრცელდება“, – განაცხადა დეკანოიძემ.
მისივე თქმით, საქართველოს კულტურის მინისტრმა თეა წულუკიანმა, რომელიც გამორჩეულია რეპრესიული მეთოდებით, კინოცენტრში ის ადამიანი დანიშნა, რომელიც პროპაგანდის განმახორციელებელია.