ხანძარია თუშეთში სოფელ ხახაბოსთან. როგორც პირველ არხს კახეთის გუბერნატორმა განუცხადა, რთული რელიეფის გამო, ხანძრის კერასთან მიახლოებას კლდეებსა და მთებზე სავალი ბილიკებით შეეცდებიან.
მეხანძრე-მაშველები არიან მობილიზებული ჯუთაშიც. ცეცხლი ბალახს მოეკიდა. საგანგებო სიტუაციების მართვის სააგენტოში აცხადებენ, რომ სალიკვიდაციო ღონისძიებებში 10 მეხანძრეა ჩართული. ასევე სააგენტოს ცნობით, ცეცხლის გავრცელების საშიშროება არ არსებობს.
