საქართველოში ევროკავშირის ელჩის, კარლ ჰარცელის განცხადებით, ერთი წელი გადის, რაც ოძისის გამშვები პუნქტი ჩაკეტილია.
„მინდა, კომენტარი გავაკეთო ოძისის გამშვები პუნქტის ჩაკეტვასთან დაკავშირებით. ხვალ ხდება ერთი წელი, რაც ეს გადაკვეთის პუნქტი არის დაკეტილი. ეს აბსოლუტურად მიუღებელია და თვეების განმავლობაში ჩვენი შეშფოთება სულ უფრო მატულობს იქიდან გამომდინარე, რომ ჰუმანიტარული სიტუაცია სულ უფრო უარესდება.
როგორც ვიცით, არის პორბლემები როგორც საკვებთან, ასევე წამლებთან, ჯანდაცვის საკითხებთან დაკავშირებით. ასევე, ძალიან შემცირდა ის კვეთები, რომელიც დაკავშირებულია გადაუდებელ შემთხვევებთან. არის ასევე სხვა პრობლემები, რომლებიც დაკავშირებულია როგორც პენსიონერებთან, ისე საგანმანათლებლო საკითხებთან. ეს საკითხები ეხებათ ადამიანებს ადმინისტრაციული საზღვრის ორივე მხარეს“, – განაცხადა ჰარცელმა.
ჰარცელის თქმით, მოუწოდებენ დე ფაქტო ხელისუფლებას, იფიქროს ჰუმანიტარულ პრობლემებზე და გამშვები პუნქტი გახსნას.