კარგი იქნებოდა, დეტალურად დაინტერესდნენ და მერე აკეთონ განცხადებები – პაატა სალია არასამთავრობოების კრიტიკას პასუხობს

region
ავტ.: region აგვისტო 6, 2019 15:36

კარგი იქნებოდა, დეტალურად დაინტერესდნენ და მერე აკეთონ განცხადებები – პაატა სალია არასამთავრობოების კრიტიკას პასუხობს

არასამთავრობო ორგანიზაციების კრიტიკას, “რუსთავი2”-ის იურისტის, თამთა მურადაშვილის სამსახურიდან გათავისუფლებასთან დაკავშირებით, სამაუწყებლო კომპანიის გენერალური დირექტორი პასუხობს. პაატა სალია სამოქალაქო სექტორის წარმომადგენლებს, რომლებიც სარედაქციო პოლიტიკის შეცვლის დასაწყისზე საუბრობენ, საკითხის დეტალურად შესწავლას ურჩევს.

სალია იმ მიზეზებს განმარტავს, რის გამოც მისი თქმით, მურადაშვილი გაათავისუფლეს. გენერალური დირექტორის განცხადებით, გადაწყვეტილება ხელშეკრულების დარღვევის გამო მიიღო.

„კარგი იქნებოდა, რომ დეტალურად დაინტერესდნენ და მერე აკეთონ განცხადებები, თუმცა ეს მათი განცხადებების სერიოზულობაზე მეტყველებს. მე გეტყვით ერთ რამეს, რომ ერთი კონკრეტული ადამიანის გათავისუფლება არხიდან გამოწვეული იყო კონკრეტული მიზეზებით, ხელშეკრულების პირობების დარღვევით. რაც მითითებულია შეტყობინებაში მისი გათავისუფლების შესახებ და მას სრული უფლება აქვს თუ მეტ დეტალიზაცია სჭირდება საფუძვლებისა შრომის კანონმდებლობის შესაბამისად და ტავის უფლებები დაიცვას სასამართლოში. კიდევ ერთხელ ვიმეორებ, ის გათავისუფლებულა იმის გამო, რომ ორი კვირის განმავლობაში ვერ მივიღე ინფორმაცია მიმდინარე საქმეებისა და სამომავლო საქმეების შესახებ კომპანიაში, რასაც ვითხოვდი მოსვლის პირველი დღიდან ძალიან მეგობრული ტონით და გარდა ამისა საჯარო სივრცეში კეთდებოდა კომენტარები, რისი გაკეთების უფლებაც მისივე შედგენილი ხელშეკრულებიდან მას არ ჰქონდა,“-აცხადებს სალია.

region
ავტ.: region აგვისტო 6, 2019 15:36

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,829
ვიზიტორი
დღეში
Powered By Google Analytics