კალაძე: ჩვენ დაკარგულ ტერიტორიებს აუცილებლად დავიბრუნებთ

თაიმერი timer.ge
ავტ.: თაიმერი timer.ge აგვისტო 8, 2020 11:33

კალაძე: ჩვენ დაკარგულ ტერიტორიებს აუცილებლად დავიბრუნებთ

ჩვენ დაკარგულ ტერიტორიებს აუცილებლად დავიბრუნებთ, – ამის შესახებ თბილის მერმა კახა კალაძემ მუხათგვერდის ძმათა სასაფლაოზე ყოფნისას განაცხადა.

დედაქალაქის მერი კახა კალაძე მუხათგვერდის ძმათა სასაფლაოზე იმყოფებოდა, სადაც მან 2008 წელს, რუსეთ-საქართველოს ომში დაღუპულთა ხსოვნას პატივი მიაგო.

თბილისის მერის განცხადებით, ოკუპაცია არის ყველაზე დიდი ბოროტება, რასაც საქართველო არასოდეს შეეგუება.

„12 წელი გავიდა იმ საშინელი დღეებიდან ჩვენი ქვეყნისთვის, რომელსაც მოჰყვა უდანაშაულო ადამიანების სიკვდილი, ნგრევა და ტერიტორიების დაკარგვა. ოკუპაცია არის ყველაზე დიდი ბოროტება და  არასოდეს არ შევეგუებით მას.  ყველაფერი უნდა გავაკეთოთ და ვებრძოლოთ ოკუპაციას განათლებით, გონიერებით, ეკონომიკური განვითარებით, წინსვლით. ჩვენ აუცილებლად დავიბრუნებთ ჩვენს დაკარგულ ტერიტორიებს,“ – განაცხადა კახა კალაძემ.

თაიმერი timer.ge
ავტ.: თაიმერი timer.ge აგვისტო 8, 2020 11:33