კახა კალაძე: ვთხოვ ყველა მოშიმშილეს, შეწყვიტონ შიმშილობა

„ქართული ოცნების“ გენერალური მდივნის კახა კალაძის განცხადებით, მე-18 სამედიცინო დაწესებულება ყველანაირად არის უზრუნველყოფილი, რათა სააკაშვილს შესაბამისი მკურნალობა ჩაუტარდეს.

მან სააკაშვილის სამოქალაქო კლინიკაში გადაყვანის მოთხოვნით მოშიმშილე დეპუტატებს მოუწოდა და სთხოვა, შეწყვიტონ შიმშილობა.

„მეთვრამეტე დაწესებულება, სადაც იმყოფება სააკაშვილი, ყველანაირად არის უზრუნველყოფილი, როგორც ყველა ნორმალური, ძლიერი კლინიკა. ამ დაწესებულებაშიც ყველაფერი არის უზრუნველყოფილი, რათა მას ჩაუტარდეს შესაბამისი მკურნალობა. მინდა, მივმართო და ვთხოვო ყველა მოშიმშილეს, თავი დაანებონ შიმშილობას, შეწყვიტონ. ყველას ჯანმრთელობას ვუსურვებ“, – განაცხადა კახა კალაძემ.

კალაძემ ჟურნალისტებთან საუბრისას განმარტა, რატომ აღარ ჩანდა ბოლო დღეების განმავლობაში აქტიურად.

„არ ვიყავი ქვეყანაში, დუბაიში ვიყავი, მიუნხენში. რა თქმა უნდა, როგორც ხელისუფლების წარმომადგენელი, ქვეყანაში მიმდინარე პროცესებზე პასუხიმგებლობას ვგრძნობ, ისევე როგორც უნდა გრძნობდეს ოპოზიცია“, – განაცხადა კალაძემ.

წინა სტატიაშილილუაშვილი – პოლიტიკური ზეწოლების ის ნიაღვარი, რომელიც ჩვენს წინააღმდეგ მიმდინარეობდა წინასაარჩევნოდ ეს ნიაღვარი გრძელდება დღესაც
შემდეგი სტატიაკალაძე: სახელმწიფო ყველაფერს აკეთებს და გააკეთებს, რომ თითოეული პატიმრის, მათ შორის სააკაშვილის ჯანმრთელობის უსაფრთხოება მაქსიმალურად იყოს დაცული