თბილისის მერმა დედაქალაქის მთავრობის დღევანდელ სხდომაზე სატრანსპორტო პოლიტიკის ცვლილებაზე ისაუბრა. კალაძის თქმით, ქალაქში სატრანსპორტო საშუალებებით გამოწვეული ჰაერის დაბინძურება კრიტიკულ ზღვარს აღწევს, 500 ათასი ავტომობილი გადაადგილდება და ყოველწლიურად 6-7 პროცენტით იზრდება იმპორტირებული ავტომობილების რაოდენობა:
“თუ არაფერი შევცვალეთ ჰაერი საერთოდ აღარ დარჩება ქალაქში. ჩვენი სატრანსპორტო პოლიტიკა მიზნად ისახავს ნაკლებ მანქანას ქალაქში და მეტ საზოგადოებრივ ტრანსპორტს”- განაცხადა კალაძემ.
მისივე თქმით, 2019 წლის ბოლოს მთლიანად ჩანაცვლდება ყვითელი ავტობუსების პარკი.