ფარული ჩანაწერების გამოყენება პოლიტიკური კონფრონტაციისთვის არასწორია, – ამის შესახებ თბილისის მერმა, კახა კალაძემ მედიის მიერ დასმული კითხვის საპასუხოდ განაცხადა.
კახა კალაძე პოლიტიკური ბრძოლის იარაღად ფარული ჩანაწერების გამოყენებას მიუღებლად მიიჩნევს.
„ფარული ჩანაწერების შინაარსზე არც აქამდე გამიკეთებია კომენტარი და შეფასება და არც ამჯერად ვაპირებ. ზოგადად, ამ მეთოდის გამოყენება პოლიტიკური კონფრონტაციისას არასწორი მგონია. მომდევნო დღეების განმავლობაში გექნებათ შესაძლებლობა, მეტი ინფორმაცია მიიღოთ“, – აღნიშნა კახა კალაძემ მედიის წარმომადგენლებთან საუბრისას.
