ჯანდაცვის მინისტრი : მნიშვნელოვანია, კიდევ ერთხელ საყოველთაო მობილიზება ჩვენი მოქალაქეების, რომ ერთობლივად დავამარცხოთ ეს უხილავი მტერი

admin
ავტ.: admin სექტემბერი 10, 2020 13:51

ჯანდაცვის მინისტრი : მნიშვნელოვანია, კიდევ ერთხელ საყოველთაო მობილიზება ჩვენი მოქალაქეების, რომ ერთობლივად დავამარცხოთ ეს უხილავი მტერი

ჯანდაცვის მინისტრის, ეკატერინე ტიკარაძის განცხადებით, ეპიდვითარებასთან დაკავშირებით, როგორც კლინიკური ჯუფის, ასევე ჰოსპიტალური სექტორის მხრიდან მზაობა მაღალია.

როგორც ტიკარაძემ მთავრობის ადმინისტრაციაში გამართულ ბრიფინგზე განაცხადა, „მნიშვნელოვანია, რომ ახლა, როგორც არასდროს მოქალაქეების მობილიზაცია და სოციალური პასუხისმგებლობა გაიზარდოს“.

„მნიშვნელოვანია, დავიცვათ ყველა ის ღონისძიება, რომელიც მოწოდებულია მსოფლიოს ჯანდაცვის ორგანიზაციის და ჯანდაცვის სამინისტროს მხრიდან, ვინაიდან მხოლოდ ერთობლივი ჩართულობით არის შესაძლებელი, დავძლიოთ ის გართულებები, რომელიც შეიძლება დადგეს საქართველოში, როგორც არის გავრცელება მსოფლიოს სხვა ქვეყნებში. მჯერა, ჩვენი მოქალაქეები კიდევ ერთხელ გამოიჩენენ მაღალ სოციალურ პასუხისმგებლობას და მთავრობასთან ერთად ჩაერთვებიან კოვიდინფექციასთან ბრძოლაში.

როგორც კლინიკური ჯუფის, ასევე ჰოსპიტალური სექტორის მხრიდან მზაობა მაღალია. კლინიკურ ჯგუფს გააჩნია ყველა საჭირო რეკომენდაცია და გაიდლაინი იმისთვის, რომ სწორად იმართოს პაციენტების მდგომარეობა, როგორც მძიმე მდგომარეობაში, ასევე საკარანტინო სივრცეებში მსუბუქ მდგომარეობაში მყოფთა მართვის შემთხვევაში. პანიკის საფუძველი ამ მხრივ არ არის, მაგრამ მიუხედავად ამისა, მნიშვნელოვანია, კიდევ ერთხელ საყოველთაო მობილიზება ჩვენი მოქალაქეების იმისათვის, რომ ერთობლივად დავამარცხოთ ეს უხილავი მტერი“,- განაცხადა ტიკარაძემ.

admin
ავტ.: admin სექტემბერი 10, 2020 13:51