ჰოლანდიის ქალაქ როზმალენის მიგრანტების მიღების ცენტრში წუხელ გვიან მასობრივი ჩხუბი მოხდა – ამის შესახებ ჰოლანდიის პოლიცია ავრცელებს ინფორმაციას. მასში დაახლოებით 100 ადამიანი მონაწილეობდა.
სამართალდამცველების მონაცემებით, მონაწილეთაგან არავინ დაზიანებულა სერიოზულად. ადგილზე დაახლოებით 30 პოლიციის მანქანა იქნა მობილიზებული, ასევე, გამოძახებული იყო სახანძრო და სასწრაფო დახმარების ბრიგადა.
ჩხუბის მიზეზი ჯერჯერობით უცნობია. ბანაკში დაახლოებით 500 მიგრანტი ცხოვრობს.
2015 წელს ქვეყანაში 23,5 ათასი მიგრანტი შევიდა.
