Google-ს ბრიტანულმა წარმომადგენლობამ, ინგლისელ პენსიონერს მადლობა გადაუხადა, რომელიც თავის საძიებო მოთხოვნებს ძალიან ზრდილობიანი ფორმით წერს. შეტყობინება, რომლითაც კომპანიამ მადლობა გადაუხადა ბებიას, Google UK-ს “ტვიტერზე” გამოქვეყნდა.
“ძვირფასო ბებია ბენა. იმედია, კარგად ხართ. 7 მილიონი საძიებო მოთხოვნადან მხოლოდ თქვენმა გაგვაღიმა. და ეს 1998-ჯერ მოხდა. მადლობა თქვენ”.
მოგვიანებით, ზრდილობიანი პენსიონერის შვილიშვილმა საკუთარ “ტვიტერზე” ბებიასთან ფოტო გამოაქვეყნა წარწერით:
“ბოლოსდაბოლოს დავიყოლიე ფოტო გადაეღო ჩემთან”.
9 ივნისს ბრიტანელმა ბენ ჯონმა საკუთარ “ტვიტერზე” გამოაქვეყნა ბებიის კომპიუტერიდან ფოტო, რომელზეც საძიებო ფრაზა იყო გადაღებული, სადაც ბებიას ეწერა: გთხოვთ, გადამითარგმნეთ ეს რომაული ციფრები: MCMXCVIII. მადლობა.”. პოსტმა მომენტალურად დააგროვა 20 ათასი რეტვიტი და 30 ათასი მოწონება.
სოციალური ქსელის მომხმარებლები აღფრთოვანდნენ ბებიის საძიებო სისტემისადმი მიმართვით. კომენტარებში ბევრმა მათგანმა მოითხოვა, “გუგლსაც” გადაეხადა მადლობა ბებიასთვის.