გერმანიაში 5G ქსელის ინფრასტრუქტურის შექმნასთან დაკავშირებით აუქციონი დაიწყო. ფედერალური მობილური ქსელის სააგენტოს ხელმძღვანელმა იოახიმ ჰომანმა 19 მარტს დილით ხელი დააჭირა წამზომის ღილაკს, რომელიც მანამდე 2000 წელს გამოიყენეს – “დოიჩე ველე” წერს. მაშინ, მობილური სიხშირის გაყიდვის პირველმა აუქციონმა ფედერალურ ბიუჯეტს 51 მილიარდი ევრო მოუტანა. მიმდინარე აუქციონი ბევრად ნაკლებ მოგებას მოიტანს, სავარაუდოდ, 3-5 მილიარდს ელოდებიან, ისევე, როგორც 2010 და 2015 წლებში.
კომპანია-მონაწილეებისადმი მოთხოვნები საკმაოდ მკაცრია. მათ სოლიდური თანხის ჩადება მოუწევთ პირობების შესასრულებლად.
რადიაციისაგან დაცვის უწყება დამატებითი კვლევების ჩატარებას ითხოვს, რომ შეისწავლონ მაღალი რადიოსიხშირეების და მასთან დაკავშირებული რადიომაგნიტური გამოსხივების ზეგავლენა ადამიანის ორგანიზმზე.