გერმანიაში, ჰამბურგში გზის ორი ნაწილი დაიკეტა დიზელის საწვავიანი მსუბუქი და სატვირთო მანქანებისთვის, რომლებიც მავნე ნივთიერებების გამოყოფის ნორმებს არ აკმაყოფილებენ. 23 მაისს ცნობილი გახდა, რომ აკრძალვა ძალაში 31 მაისიდან შედის. ჰამბურგი გერმანიაში პირველი ქალაქია, სადაც მსგავსი აკრძალვა დაიწყო.
ერთი გზა, სადაც აიკრძალა დიზელის მანქანების მოძრაობა, 580 მეტრის სიგრძისაა, მეორე – 1,6 კილომეტრის. შესაბამისი საგზაო ნიშები უკვე დაყენებულია – “დოიჩე ველე” წერს.