ჭიდაობის ფედერაციის ოფიციალური ფეისბუკ-გვერდი დიღომში, პოლიციის სამმართველოსთან აქციის შესახებ იუწყება. დღეს ფედერაციის პრეზიდენტი გეგა გეგეშიძე მოჭიდავე ზურაბ დათუნაშვილისთვის ფიზიკური შეურაცხყოფის მიყენების ბრალდებით დააკავეს. სავარაუდოდ აქცია სწორედ გეგეშიძის მხარდაჭერას ისახავს მიზნად.
“ბერძნულ-რომაული სტილით მოჭიდავეები ჩამოვიდნენ დუშეთის შეკრებიდან, ასევე თავისუფალი სტილით მოჭიდავეები იკრიბებიან დიღომში, პოლიციის სამმართველოსთან, ვისაც სურვილი გაქვთ შემოგვიერთდით”, – ნათქვამია ფედერაციის მიერ ფეისბუკზე გავრცელებულ განცხადებაში.
წყარო: netgazeti.ge
