გარდაბნის მუნიციპალიტეტის მერია, დაუნის სინდრომის მსოფლიო დღისადმი მიძღვნილ კვირეულს შეუერთდა და გარდაბნის მერის, რამაზ ბუდაღაშვილის ინიციატივით „ჭრელი წინდების“ კამპანიაში ჩაერთო. წლევანდელი მსოფლიო კამპანიის გზავნილია „არავინ დატოვო…მიღმა“. ყოველწლიურად, 21 მარტს მილიონობით ადამიანი დაუნის სინდრომის შესახებ ცნობადობის ამაღლების მიზნით ერთიანდება. საქართველო დაუნის სინდრომის მსოფლიო დღეს უკვე მერვედ აღნიშნავს.
