გაერთიანებული ოპოზიცია საპრეზიდენტო არჩევნების მეორე ტურის შედეგებს არ აღიარებს. ამის შესახებ განცხადება, საქართველოს პრეზიდენტობის კანდიდატმა ოპოზიციური პარტიების გაერთიანებიდან „ძალა ერთობაშია“, გრიგოლ ვაშაძემ გააკეთა.
ვაშაძის თქმით, საქართველოს პრეზიდენტი არ ჰყავს.
„ჩვენ ვნახეთ, ნამდვილი, რეალური სახე ქურდული ოცნების და მისი ალკაპონესი. აი, რა ვანახეთ ჩვენ 28 ოქტომბერს – დაშინება, მასშტაბური მუქარები, კრიმინალების და ნარკომანების მორეკვა, რომ უბნების წინ მდგარიყვნენ,“ – განაცხადა ვაშაძემ.
გაერთიანებული ოპოზიცია ვადამდელ საპრეზიდენტო არჩევნებს ითხოვს.
