ადამიანის უფლებათა შესახებ მონიტორინგის გაეროს მისიის ხელმძღვანელმა, ფიონა ფრეიზერმა კიევის ხელისუფლებას მოუწოდა დაუყოვნებლივ და საგულდაგულოდ გამოიძიოს ადამიანების დახოცვის ფაქტები მეიდანსა და ოდესის პროფკავშირის სახლში – ამის შესახებ მან დღეს კიევში გამართულ ბრიფინგზე განაცხადა.
“ჩვენ ვაკვირდებით ადამიანის სიცოცხლისა და ხელშეუხებლობის უფლების დარღვევის გაზრდილ მაჩვენებელს ქვეყანაში” – განაცხადა ფრეიზერმა უკრაინაში გაეროს ადამიანის უფლებების უმაღლესი კომისრის მოხსენების პრეზენტაციაზე.
მან ასევე აღნიშნა, რომ კივისა და ოდესის ტრაგედიებზე პასუხისმგებლობა, მიუხედავად იმისა, რომ შემთხვევებიდან ორი წელი გავიდა, არავის დაკისრებია.
