გაერო-ს ბავშვთა ფონდის წარმომადგენელი: პრიორიტეტია ბავშვების ბიოლოგიურ ოჯახებში დაბრუნება

გაერო-ს ბავშვთა ფონდის წარმომადგენელის ემი კლენსის განცხადებით, მათთვის პრიორიტეტია ბავშვების ბიოლოგიურ ოჯახებში დაბრუნება, მაგრამ თუ ეს შესაძლებელი არ არის, ამ შემთხვევაში ალტერნატიული ფორმა უნდა მოიძებნოს, როგორიცაა ბავშვის მინდობით აღზრდაში გადაყვანა.

„ჩვენთვის პრიორიტეტია ბავშვების საკუთარ, ბიოლოგიურ ოჯახებში დაბრუნება, ხოლო თუ ეს არ არის შესაძლებელი, მაშინ ზრუნვის ალტერნატიულ ფორმებში გადანაწილება უნდა მოხდეს. მაგალითად, როგორიც არის ბავშვის მინდობით აღზრდაში გადაყვანა.

რაც შეეხება მცირე ზომის საოჯახო სახლებს, ეს უნდა იყოს უკანასკნელი ზომა და განიხილებოდეს როგორც გარდამავალი პერიოდი, რომ ბავშვები საბოლოოდ მაინც დაბრუნდნენ თავიანთ ოჯახებში. ასევე ძალიან მნიშვნელოვანია, ოჯახებმა შეძლონ ღირსეული მშობლობის გაწევა. გაერო-ს ბავშვთა ფონდი მზად არის, ამ სისტემას დაეხმაროს, გაძლიერდეს ოჯახები და შესაბამისი დახმარება გაეწიოთ, რათა არ მოხდეს ბავშვების ოჯახებიდან განცალკევება“, – განაცხადა ემი კლენსიმ.

რეკლამის ბანერი
წინა სტატიაში„ვორლდ ვიჟენ-საქართველოს“ დირექტორი: ვისაუბრეთ პრობლემებზე, რომელთა გამოც ბავშვები ხვდებიან ინსტიტუციებში
შემდეგი სტატიათამარ კორძაია – „ქართული ოცნება“ არღვევს შეთანხმების პირობას