,,გაერო გახლავთ სიმბოლო საერთაშორისო თანამშრომლობისა”

news
ავტ.: news ნოემბერი 20, 2015 20:53

,,გაერო გახლავთ სიმბოლო საერთაშორისო თანამშრომლობისა”

მნიშვნელოვანი

  • "ჩემი მთავრობა დიდ მნიშვნელობას ანიჭებს ამ თანამშრომლობას. ჩვენთვის მნიშვნელოვანია ურთიერთობა თქვენს გუნდთან. განსაკუთრებით მნიშვნელოვანია ის

სხვა სტატიები

გაერო გახლავთ სიმბოლო საერთაშორისო თანამშრომლობისა და ის არის საყრდენი მსოფლიოში მშვიდობის, – ამის შესახებ საქართველოს პრემიერ-მინისტრმა გაეროსთან თანამშრომლობის დოკუმენტზე ხელმოწერის ცერემონიაზე განაცხადა.
საქართველოს პრემიერმა გაერთიანებული ერების ორგანიზაციის მნიშვნელობაზე ისაუბრა. “გაერო გახლავთ სიმბოლო საერთაშორისო თანამშრომლობისა და არის საყრდენი მსოფლიოში მშვიდობის. ეს მნიშვნელოვანი ხდება სწორედ დღევანდელი მოვლენების გათვალისწინებით. ახლახან პარიზში, ბეირუთსა და ეგვიპტეში განვითარებულმა მოვლენებმა ნამდვილი შოკი გამოიწვია მთელი მსოფლიოს მოსახლეობაში და სწორედ ასეთ დროს ძალიან მნიშვნელოვანია ასეთი ორგანიზაციების არსებობა”, – განაცხადა პრემიერ-მინისტრმა.
მან გაეროსა და საქართველოს შორის საერთო პრინციპებსა და მიზნებზე ისაუბრა. “მინდა კიდევ ერთხელ შეგახსენოთ გაეროს უმნიშვნელოვანესი პრინციპები, რომელთა თანაზიარი საქართველო მას შემდეგ გახდა, რაც 1992 წელს გაეროს წევრი გახდა. უმნიშვნელოვანესია ახალი თაობების დაცვა ომის საშინელებებისგან, რომელსაც უდიდესი საფრთხე მოაქვს მთლიანად კაცობრიობისთვის”, – აღნიშნა ირაკლი ღარიბაშვილმა.
საქართველოს პრემიერმა საქართველოსა და გაეროს თანამშრომლობის კონტექსტში მადლობა გადაუხადა გაეროს წარმომადგენელს საქართველოსთვის გაწეული დახმარებისთვის.
“ჩემი მთავრობა დიდ მნიშვნელობას ანიჭებს ამ თანამშრომლობას. ჩვენთვის მნიშვნელოვანია ურთიერთობა თქვენს გუნდთან. განსაკუთრებით მნიშვნელოვანია ის
ყურადღება, რომელსაც თქვენი ორგანიზაცია იჩენს დევნილთა საკითხების მიმართ. სწორედ ახლახან საქართველო პირველად იქნა არჩეული გაეროს ადამიანის უფლებათა საბჭოს წევრად და მე დარწმუნებული ვარ, რომ სწორედ ამ თანამშრომლობით და იმ თანამშრომლობით, რომელსაც ხელი მოეწერა, საქართველოს როლი როგორც რეგიონული ან ადგილობრივი მოქმედი პირისა, ნამდვილად გაიზრდება”, – განაცხადა ირაკლი ღარიბაშვილმა.

news
ავტ.: news ნოემბერი 20, 2015 20:53