ეთიოპიის დედაქალაქში აფეთქების შედეგად რამდენიმე ათეული ადამიანი დაშავდა. პოლიციის ინფორმაციით, 83-მა ადამიანმა სხვადასხვა სიმძიმის ჭრილობა მიიღო, მათგან ექვსი კრიტიკულ მდგომარეობაშია – “დოიჩე ველე” წერს.
ინციდენტი ადის-აბებას ერთ-ერთ მოედანზე მოხდა, სადაც ქვეყნის პრემიერ-მინისტრი საკუთარ მომხრეებს ხვდებოდა. აქციაზე ათობით ათასი ადამიანი იყო შეკრებილი. მიმდინარე მომენტისთვის აფეთქების მიზეზები დადგენილი არ არის. პოლიცია შემთხვევას იძიებს.
აბი აჰმედი მიმდინარე წლის აპრილიდან ხელმძღვანელობს ეთიოპიის მთავრობას.