ელონ მასკმა, რომელსაც ფასიანი ქაღალდების კომისიამ (SEC) თაღლითობაში დასდო ბრალი, სადამკვირვებლო ორგანოსთან სასამართლომდელი შეთანხმება გააფორმა. ის დათანხმდა 20 მილიონი დოლარის ჯარიმის გადახდას. გარდა ამისა, მასკი Tesla-ს დირექტორთა საბჭოს თავმჯდომარის პოსტს სამი წლით დატოვებს, თუმცა, შეინარჩუნებს გენერალური დირექტორის ადგილს. ასევე, ის ვალდებულია საკუთარი ბრალი აღიაროს.
SEC-ი მასკს ბრალს თაღლითობაში სდებდა – ამის მიზეზი “ტვიტერში” გამოქვეყნებული განცხადება გახდა, სადაც მან დაწერა, რომ მას Tesla-ს ბირჟიდან გაყვანა და კერძო კომპანიად გადაკეთება სურს. ამ პოსტის გამოქვეყნების შემდეგ კომპანიის აქციები მკვეთრად დაეცა.
New York Times-ის ინფორმაციით, მასკის ტვიტის შემდეგ Tesla-ს დირექტორთა საბჭო გაურკვევლობაში აღმოჩნდა, რადგანაც მასკს საკუთარი გეგმის შესახებ მათთვის არაფერი უთქვამს, რაც კანონით ევალებოდა. გარდა ამისა, მასკს რამდენიმე აქციონერმა სასამართლოში უჩივლა.
