ადამიანის უფლებათა დაცვისა და რეგიონული თვითმმართველობის კომიტეტებმა საარჩევნო სისტემის ე.წ. გერმანულ მოდელს მხარი არ დაუჭირეს. პროექტის განხილვა პარლამენტში კომიტეტების გაერთიანებულ სხდომაზე დღეს გაიმართა. რეგიონული თვითმმართველობის კომიტეტიდან კანონპროექტს 1 მომხრე და 6 მოწინააღმდეგე ჰყავდა, დეპუტატმა, ზაქარია ქუცნაშვილმა კი პოზიციის დაფიქსირებისგან თავი შეიკავა, ხოლო ადამიანის უფლებათა დაცვის კომიტეტიდან, კანონპროექტს ერთმა დეპუტატმა დაუჭირა მხარი, ხოლო 7 წინააღმდეგ წავიდა.
