თურქეთის სამხედრო ბაზა ინჯირლიკს დაახლოებით 7 ათასმა სამხედრომ შემოარტყა ალყა.
სამხედრო ობიექტში ყველა გასასავლელი და შესასვლელები გადაკეტილია. დაუდასტურებელი მონაცემებით, ბაზაში ანტიტერორისტული ქვედანაყოფებია შეყვანილი – მიღებული შეტყობინების თანახმად, ბაზაში სამხედრო გადატრიალების მეორე მცდელობა მზადდება – Hurriyet-ი წერს. ამავე დროს, ევროკავშირის საქმეების მინისტრმა ომერ ჩელიკმა განაცხადა, რომ ეს ჩვეულებრივი “უსაფრთხოების შემოწმებაა”.
ინჯირლიკის ავიაბაზა ადანას პროვინციაში მდებარეობს და ნატოს ერთ-ერთი მნიშვნელოვანი ობიექტია თურქეთში. აშშ-ს ბაზაში 50-დან 90-მდე ტექნიკური ერთეული ყავს.
15 ივლისის, სამხედრო გადატრიალების მცდელობის შემდეგ, ბაზაზე რამდენიმე თურქი ოფიცრის დაკავება მოხდა.
28 ივლისს ერდოღანის მომხრეებმა მასობრივი საპროტესტი აქცია მოაწყვეს ბაზის დაუყოვნებლივ დახურვის მოთხოვნით. უშიშროების თანამშრომლებმა მომიტინგეები დაშალეს.
