დღეიდან, საქართველოს მთელს ტერიტორიაზე, უნალექო ამინდი და ტემპერატურის მატებაა მოსალოდნელი.
გარემოს ეროვნული სააგენტოს ინფორმაციით, საქართველოში მზიანი ამინდი 24 მარტის ჩათვლით შენარჩუნდება. 23-24 მარტს როგორც დასავლეთ, ასევე აღმოსავლეთ საქართველოში ტემპერატურა საშუალოდ 20-22 გრადუსს გაუტოლდება. დასავლეთ საქართველოში იქროლებს ძლიერი ქარი.
25 მარტიდან კი, კვლავ არამდგრადი ამიდია მოსალოდნელი. ტემპერატურა ოდნავ დაიკლებს, შიგადაშიგ კი იწვიმებს. არამდგრადი ამინდი კვირის ბოლომდე გაგრძელდება.
