“ეს კი წუღრუღაშენის მე-13 საუკუნის ეკლესიის ორნამენტულ მრგვალ სარკმელში, თლილი ქვის ფასადზე გარჭობილი “ფეჩის ტრუბა”, 6 დეკემბერს გადაღებული ფოტოა. წინა დღეებში დადებული ერთაწმინდის ტაძრის ფოტო 2015 წლისაა და არც მითქვამს რომ ახალი გადაღებული იყო, იმიტომ რომ საერთოდ უმნიშვნელოა მავანი ვანდალი მღვდელი 2015-ში ვანდალობდა, თუ 2021-ში. ახლა მოხსენი წუღრუღაშენის ტაძარს ეს ” ტრუბა”, ჩაიყვანე ტვ იმედი და ახალი პროპაგანდისტული სიუჟეტი მოამზადე: როგორ ებრძვიან ეკლესიას, ეს “ტრუბა” კი ერთ ადგილზე გაირჭეო რომ ვთქვა, არ იქნება უადგილო და უცენზურო, რადგან გეკუთვნის”-წერს დეკანოზი ილია ჭიღლაძე.