დეგნანი – საქართველოს მთავრობას შეუძლია, სწრაფად მიიღოს კანონები, განახორციელოს ცვლილებები, აშშ მზად არის, დაეხმაროს საქართველოს ამ რეფორმების განხორციელებაში

აშშ მზად არის, ნებისმიერი კუთხით დაეხმაროს ​საქართველოს რეფორმების განხორციელებაში, – ამის შესახებ ჟურნალისტებს საქართველოში აშშ-ის ელჩმა, კელი დეგნანმა განუცხადა.

როგორც კელი დეგნანმა ევროკავშირის რეკომენდაციების შესრულებასთან დაკავშირებით დასმულ კითხვაზე განაცხადა, მომდევნო ექვსი თვე მნიშვნელოვანი შესაძლებლობაა და დასაკარგი დრო არ არის.

„ჩვენ გვინახავს, რომ მთავრობას შეუძლია, სწრაფად განახორციელოს კანონმდებლობა, სწრაფად მიიღოს კანონები. მაგალითად, როგორც ვნახეთ დაჩქარებული წესით ინსპექტორის ოფისის გაუქმება, ასევე სხვადასხვა კანონის დაჩქარებული წესით მიღება. მას ნამდვილად შეუძლია, სწრაფად განახორციელოს ეს ცვლილებები. ქართველ ხალხს აქვს ამ ცვლილებების სურვილი და არსებობს მზაობა ამისთვის. აშშ მზად არის და აქვს სურვილი, რომ ნებისმიერი კუთხით დაეხმაროს ​საქართველოს ამ რეფორმების განხორციელებაში. ყველამ კარგად უნდა გააცნობიეროს, რომ შემდგომი ექვსი თვე არის ძალიან მნიშვნელოვანი შესაძლებლობა და არ არის დასაკარგი დრო. მე ვიცი, რომ ქართველ მოსახლეობას, სამოქალაქო საზოგადოებას და ასევე, მთავრობაში ბევრს სურს აღნიშნული რეფორმების განხორციელება“, – განაცხადა კელი დეგნანმა.

წინა სტატიაშისაქართველოს ბანკის მხარდაჭერით „მთის ლუდმა“ წარმოება სამჯერ გაზარდა
შემდეგი სტატიაგოცირიძე – პარლამენტში ბიძინა ივანიშვილის უფრო აგრესიული დამცველები მოგვევლინნენ – შეიძლება მათ საპარლამენტო ალტინფოც ვუწოდოთ