“ქართული ოცნებიდან სამი დეპუტატის გასვლასთან დაკავშირებით სოზარ სუბარის კომენტარებიდან დაახლოებით ასეთი დასკვნა გამოვიტანე: ვინაიდან ქართული ოცნება სახელისუფლო პარტიაა, თურმე ბოლომდე ღიად ვერ ამბობენ თავის სათქმელს ( ანტიდასავლურს, ანტიუკრაინულს, პრობიძინურს), ამიტომ გადაწყვიტეს ჩამოიხსნან პოლიტკორექტულობის ვალდებულება და უფრო თამამად შეუბერონ. პარლამენტში ბიძინა ივანიშვილის უფრო მაღალი ხმები და ბიძინა ივანიშვილის უფრო აგრესიული დამცველები მოგვევლინნენ. შეიძლება მათ საპარლამენტო ალტინფოც ვუწოდოთ.” – ასე აფასებს მე-10 მოწვევის პარლამენტის დეპუტატი, “ნაცმოძრაობის” წევრი რომან გოცირიძე “ოცნებიდან” სოზარ სუბარია, მიხეილ ყაველაშვილისა და დიმიტრი ხუნდაძის წამოსვლას.
