დავით ზალკალიანი ვაჟა გაფრინდაშვილის საკითხზე გაერო-ს გენერალური მდივნის მოადგილეს ესაუბრა

news
ავტ.: news დეკემბერი 24, 2019 12:51

დავით ზალკალიანი ვაჟა გაფრინდაშვილის საკითხზე გაერო-ს გენერალური მდივნის მოადგილეს ესაუბრა

საქართველოს საგარეო საქმეთა მინისტრი დავით ზალკალიანი ექიმ ვაჟა გაფრინდაშვილის საკითხთან დაკავშირებით გაერო-ს გენერალური მდივნის მოადგილეს, როზმარი დიკარლოს ესაუბრა.

საგარეო უწყების ინფორმაციით, სატელეფონო საუბრისას კიდევ ერთხელ ხაზი გაესვა საოკუპაციო რეჟიმის უკანონო გადაწყვეტილების მიუღებლობას, აღინიშნა, რომ ექიმის უკანონო დაკავება და პატიმრობა წარმოადგენს დესტრუქციულ ქმედებას და ამძიმებს ადგილზე არსებულ რთულ ჰუმანიტარულ ვითარებას.

„ხაზი გაესვა მსგავსი უკანონო ქმედებების მიმართ საერთაშორისო თანამეგობრობის კონსოლიდაციის მნიშვნელობას“, – აღნიშნულია საგარეო საქმეთა სამინისტროს მიერ გავრცელებულ ინფორმაციაში.

ამასთან, უწყების ცნობით, მინისტრმა მადლობა გადაუხადა გაერთიანებული ერების ორგანიზაციას საკითხის მიმართ გამოჩენილი ყურადღებისა და ჩართულობისთვის. მხარეებმა იმედი გამოთქვეს, რომ პროცესი ახლო მომავალში ექიმ ვაჟა გაფრინდაშვილის გათავისუფლებით დასრულდება.

ექიმ ვაჟა გაფრინდაშვილს 20 დეკემბერს ცხინვალის საოკუპაციო რეჟიმმა ერთი წლითა და ცხრა თვით პატიმრობა შეუფარდა.

news
ავტ.: news დეკემბერი 24, 2019 12:51

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,050
ვიზიტორი
დღეში
Powered By Google Analytics