დაუყოვნებლივ დავანებოთ თავი ხან პატარკაცობებს, ხან რაღაც კაცობებს, თუ შეიძლება, სახელმწიფო კაცებად და ქალებად ვიცხოვროთ ორი კვირა – უსუფაშვილი

პრეზიდენტის ყოველწლიური ანგარიშის მოსასმენად პარლამენტის კარი ღიაა ყველასთვის

პარტია „ლელოს“ წევრის დავით უსუფაშვილის განცხადებით, იაფფასიანი პროპაგანდაა, რომ „ლელოს“ ქვეყანაში ომი სურს.

უსუფაშვილის თქმით, დღეს, იმ სახელმწიფოებრიობის პირობებში, სადაც ვიმყოფებით, სადაც უამრავი რამ ხდება, 30 წლის შემდეგ ხელახლა დაიწყო რეგიონული და ტერიტორიული გადანაწილებები მსოფლიოში, შანსები გაჩნდა.

დავით უსუფაშვილის განმარტებით, საჭიროა, დაუყოვნებლივ დავანებოთ თავი „პატარკაცობებს“.

„იაფფასიანი პროპაგანდა, რომ „ომის პარტიები“ ვართ და „ლელოს“ ომი უნდა, უსუფაშვილი ომის პარტიის ის ყოფილა…გააგრძელეთ, პოლიტიკურად ამაზე უკეთესი რა უნდა გამიკეთოთ, მაგრამ ეს არის მთავარი? დღეს, იმ სახელმწიფოებრიობის პირობებში, სადაც ვართ, სადაც უამრავი რამ ხდება, 30 წლის შემდეგ ხელახლა დაიწყო რეგიონული და ტერიტორიული გადანაწილებები მსოფლიოში, გავლენის სფეროები, შანსები გაჩნდა, რა არის საჭირო? საჭიროა, დაუყოვნებლივ დავანებოთ თავი რაღაცებს, არ ვიცი, ხან პატარკაცობებს, ხან ასეთ რაღაც კაცობებს, თუ შეიძლება, სახელმწიფო კაცებად და ქალებად ორი კვირა ვიცხოვროთ.

მიშელის შეთანხმების გარშემო კვლავ შეკრებას იმიტომ გთავაზობთ, რომ ეს უკვე მოხდა. ერთი წლის წინ, სამი თვე დახარჯა ამაზე ევროპამაც და ჩვენ თვითონაც. ეს არის დოკუმენტი, რომელზეც ევროპაც შეთანხმებულია და თანახმაა, ჩვენც ყველა შეთანხმებული ვიყავით. რა წერია იქ? საკონსტიტუციო ცვლილებები ბოლომდე უნდა მივიყვანოთო, მივიყვანოთ. ერთად ვუთხრათ იმ ხალხს, რომ მომავლის საქართველოს შენებაში ჩვენ ერთად ვართ, გავაგრძელებთ დებატებს, მაგრამ ამაში ერთად ვართ. ახლა, დღეს ვინ ვის მეტ პრეტენზიას წაუყენებს, ამით მოხდება საქართველოს უკეთესი მომავლის უზრუნველყოფა? მაგრამ, მინდა, ახლა ქართველ ხალხს მივმართო, დაისვენეთ, ბატონო ბიძინა, ვიცი, რომ ისედაც გადაღლილი ხართ ხოლმე რაღაცებით, მაგრამ ერთი რამ იცოდეთ, არსებობს პოლიტიკური შეცდომები, მაგრამ არსებობს შემდეგ უპატიებელი ქმედებები. ნუ ჩავიდენთ ისეთ რამეს, რაც შემდეგ უპატიებელი გახდება. ამას საჯაროდ არ უნდა გეუბნებოდეთ? ხო, ალბათ, არა, მაგრამ ბოლოს, წელიწადნახევრის წინ რომ მოგმართეთ, მე მოგმართეთ, რომ შეიძლება, ჩემი ბოლო საჯარო გამოსვლაა-თქო. მე გადავრჩი და გადავრჩები, საქართველოც გადარჩება და ყველა გადავრჩებით ამ ქვეყანაში, ვერ დავღუპავთ, ვერ მოვახერხებთ ამას, მაგრამ ასეთი პოლიტიკით, იმ გზით, რა გზაზეც ვდგავართ ჩვენ, სულ მცირე ვწირავთ ქართველების კიდევ ერთ თაობას, რომ იცხოვროს უსამართლობაში, ტანჯვაში, უსიხარულობაში, დაზაფრულობაში და ამ ყველაფრის ყურებაში, რაშიც ახლა ვართ. გადავდგათ ნაბიჯი, ეს შესაძლებელია, ეს უნდა გავაკეთოთ“, – განაცხადა დავით უსუფაშვილმა პარლამენტში სიტყვით გამოსვლისას.

წინა სტატიაშისაქართველოს ბანკის საინვესტიციო პლატფორმას უკვე 10,000-ზე მეტი მომხმარებელი ჰყავს
შემდეგი სტატიასიკვდილით ვსჯით ადამიანს, რომელმაც ამ ტრიბუნიდან გააუქმა სიკვდილით დასჯა – ხერხეულიძე