კლინიკა ვივა მედში მესამე პრეზიდენტი გიული ალასანიამ მოინახულა. როგორც მიხეილ სააკაშვილის დედამ თქვა, შეხვედრაზე ძირითადად ევროკომისიის მიერ მიღებულ რეკომენდაციებზე ისაუბრეს.
მისივე თქმით, მიხეილ სააკაშვილს მიაჩნია, რომ კანდიდატის სტატუსის არმიღება დიდი გეოპოლიტიკური კატასტროფაა.
“ბოლოს და ბოლოს იმედია, წარმოგვიდგენენ ექიმები დიაგნოზს და გვეცოდინება უფრო ზუსტად. ისე, დაკლებულია წონაში. რაც შეეხება მის განწყობას, რა თქმა უნდა, საშინელი განწყობა აქვს გუშინდელის შემდეგ, ის რაც მოხდა გუშინ, მიაჩნია, რომ ესაა ყველაზე დიდი გეოპოლიტიკური კატასტროფა. მიაჩნია, რომ ამ ყველაფრის გამოსასწორებლად ცოტა დრო გვაქვს და ძალიან უნდა ვიყოჩაღოთ, რომ იქნება კიდევ რაღაცას მივაღწიოთ”, – თქვა გიული ალასანიამ.