უკრაინამ უნდა მოიგოს ომი და თავისი ტერიტორიები დაიბრუნოს, – ამის შესახებ უკრაინის პრეზიდენტის მრჩეველი მიხაილო პოდოლიაკი “ტვიტერის” გვერდზე წერს.
მისივე თქმით, უკრაინის გამარჯვებაში ერთ-ერთ მნიშვნელოვან როლს შეიარაღების გაზრდა თამაშობს.
“დღეს დემოკრატიულ სამყაროს აქვს ერთიანი პოზიცია: რუსეთი ვერ მოიგებს ამ ომს. ეს დიდი მიღწევაა, მაგრამ ჩვენი მიზნები უფრო ამბიციურია: უკრაინამ უნდა მოიგოს ომი და თავისი ტერიტორიები დაიბრუნოს. ყველაზე მნიშვნელოვანი ამოცანაა შეიარაღების გაზრდა. პარიტეტულობა არის გამარჯვების გასაღები”, – წერს პოდოლიაკი.
