ჟენევაში საარჩევნო უბნის ნაადრევად დახურვის შესახებ „ნაციონალური მოძრაობის“ მიერ გავრცელებულ ინფორმაციას საარჩევნო ადმინისტრაცია ეხმაურება.
ცესკო-ში განმარტავენ, რომ უბანი ამ ქალაქში ნაადრევად ვერ დაიხურებოდა, მხოლოდ იმის გამო, რომ იქ უბანი არც გახსნილა.
ცენტრალური საარჩევნო კომისიის ინფორმაციით, შვეიცარიის მთელ ტერიტორიაზე მხოლოდ და მხოლოდ ერთი უბანი მოქმედებს და ისიც ქალაქ ბერნში.
ცესკო-ში ამბობენ, რომ ბერნში საარჩევნო უბანი წესისამებრ დილის 08:00 საათზე გაიხსნა და ხმის მიცემს პროცესი ამ დრომდე მშვიდ ვითარებაში მიმდინარეობს.
