ცენტრალური საარჩევნო კომისია „ნაციონალური მოძრაობის“ ბრალდებას გადასატან ყუთებთან დაკავშირებით უსაფუძვლოს უწოდებს.
როგორც ცესკო-ში განმარტავენ, კანონმდებლობაში, კონკრეტულად საარჩევნო კოდექსში, დეტალურად არის განსაზღვრული პროცედურები, რომლის თანახმადაც,კომისიის წევრები მიყვებიან გადასატან ყუთს. აღნიშნული ფუნქციები კი, გამოვლინდება წილისყრით, არჩევნების დღეს.
„ნაციონალური მოძრაობის“ წევრმა, ნიკა მელიამ დღეს განაცხადა, რომ იგეგმება, რომ „ერთიანი ნაციონალური მოძრაობის“ წარმომადგენლები გააყოლონ გადასატან ყუთებს, ისინი შტაბში არ იყვნენ გარკვეული დროის განმავლობაში.
