ცაგერში ორმა პოლიციელმა ერთმანეთი სასიკვდილოდ დაჭრა. ერთ-ერთი მათგანი დეპუტატ კარლო კოპალიანის სიძეა. რომეო მანდარია დეპუტატის ძმისშვილის მარიკა კოპალიანის მეუღლე იყო.
საგამოძიებო უწყების ინფორმაციით, დასავლეთ საქართველოს პროკურატურის საგამოძიებო ნაწილში გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს. წინასწარი ინფორმაციით, პოლიციელები სოფელ ლაჯანაში მდებარე იუსტიციის სახლის საზოგადოებრივ ცენტრს იცავდნენ, მათ შორის ჩხუბი მოხდა, რის შემდეგაც ცეცხლსასროლი იარაღიდან ერთმანეთს ესროლეს.
