“ბრექსითის” კამპანიის ერთ-ერთმა ლიდერმა, თანამოაზრეებს მოუწოდა ევროკავშირიდან გასვლის მოწინააღმდეგეებთან “დიალოგის ხიდი” გამართონ.
“ჩვენ უმრავლესობა ვართ და უნდა გავაკეთოთ ყველაფერი, რომ “დარჩენის” მომხრეები დავამშვიდოთ” – განაცხადა ჯონსონმა, რომელიც კონსერვატორების პარტიის ლიდერის პოტენციური პრეტენდენტია.
ის პარასკევიდან, რეფერენდუმის შედეგების გამოცხადების დღიდან, მოვლენებზე კომენტარს არ აკეთებდა, მაგრამ Daily Telegraph-ში გუშინ გამოქვეყნებულ სტატიაში მან თქვა, რომ ბრიტანეთი ყოველთვის იქნება ევროპის ნაწილი. მისი თქმით, სამეფოს შეუძლია საემიგრაციო პოლიტიკის რეფორმირება და საერთო ევროპულ ბაზარზე წვდომის შენარჩუნება. ბრიტანელებს კი, ჩვეულებრივად შეეძლებათ მოგზაურობა – აღნიშნა ჯონსონმა.
შეგახსენებთ, რომ 23 ივნისს ბრიტანეთში გამართულ რეფერენდუმზე ევროკავშირიდან გასვლას 17 410 742 ადამიანმა მისცა ხმა, რაც ამომრჩეველთა 51,9%-ია. წინააღმდეგ გამოვიდა 16 141 241 ადამიანი, რაც ხმათა 48,1%-ია.
ამომრჩევლებმა, რომლებმაც “ბრექსიტს” მისცეს ხმა, ხელახალი რეფერენდუმის მოთხოვნით პარლამენტის სახელზე პეტიცია შეადგინეს, რომელსაც ნიუსის გაკეთების მომენტში უკვე 3, 700 000 ხელმომწერი ყავს.
