„ევროპული საქართველოს“ ერთ-ერთი ლიდერი, გიგა ბოკერია, „სამართლიან არჩევნებთან“ დაკავშირებით საპარლამენტო უმრავლესობის ლიდერის ირაკლი კობახიძის დღევანდელ განცხადებას ეხმაურება.
ბოკერიას თქმით, ირაკლი კობახიძის განცხადება დამახასითებელია იმ ტიპის ავტორიტარული რეჟიმებისათვის, როდესაც ცდილობენ, სამოქალაქო საზოგადოების დისკრედიტაციისათვის ყველანაირი ვითარება გამოიყენონ.
„ეს არის დამახასიათებელი ყველა ამ ტიპის ავტორიტარული რეჟიმისათვის, რომ ყველა ვითარების გამოყენებას ცდილობ სამოქალაქო საზოგადოების დისკრედიტაციისათვის, მათ შორის ისეთი მნიშვნელოვანი ორგანიზაციის, როგორიც „სამართლიანი არჩევნებია“. როგორი შეცდომაც არ უნდა მოსვლოდათ, ეს რეაქცია თვითონ მეტყველებს, თუ რა ტიპის რეჟიმთან გვაქვს საქმე. ერთია შეცდომა და მეორეა, როცა არის ხელისუფლება, რომელსაც ამ შეცდომის გამოყენება უნდა რეალურად, მისთვის არასასურველი დამოუკიდებელი ორგანიზაციის განადგურებისათვის“, – განაცხადა ბოკერიამ.
