რუსეთის ფედერაციის პრეზიდენტმა ვლადიმერ პუტინმა განაცხადა, რომ ბლიცკრიგი, რომელსაც დასავლეთი იმედოვნებდა, არ შედგა. ამის შესახებ პუტინმა ბელორუსის არაღიარებულ პრეზიდენტთან ალექსანდრე ლუკაშენკოსთან მოლაპარაკების შემდეგ ისაუბრა.
„ბლიცკრიგი, რომელსაც ჩვენი არაკეთილმოსურნეები იმედოვნებდნენ, არ შედგა“, – აღნიშნა პუტინმა.
მისი თქმით, სანქციებთან დაკავშირებით საღი აზროვნება უნდა ჭარბობდეს. მან, ასევე, დასძინა, – „ვინც სანქციებს აწესებს, უნდა მიიღონ დაბალანსებული გადაწყვეტილებები“.
როგორც პუტინმა აღნიშნა, რუსეთის ეკონომიკა და ფინანსური სისტემა მყარად დგას ფეხზე.