სამგზავრო თვითმფრინავი, რომელიც ბერლინიდან ჰურგადუს მიმართულებით ავიარეისს აკეთებდა, ბუდაპეშტის აეროპორტში დაეშვა. ადგილობრივი პოლიციის თქმით, მოულოდნელი დაშვების მიზეზი შესაძლო ტერაქტი გახდა. თვითმფრინავის აფეთქების მუქარა ავიაკომპანიაში შევიდა, რომელსაც თვითმფრინავი ეკუთვნის.
პოლიციის პრეს-ცენტრმა ინფორმაციის დაკონკრეტებაზე უარი განაცხადა.
უნგრეთის პრესის მიერ გავრცელებული ინფორმაციის მიხედვით, უნგრეთის პოლიცია თვითმფრინავში ჩხრეკას ატარებს. წინასწარი მონაცემებით ბორტზე 130 მგზავრი და ეკიპაჟის 7 წევრი იმყოფება.
