ბელგოროდის ოლქის გუბერნატორი – უკრაინელებმა ოლქი დაბომბეს, არიან დაღუპულები

რუსეთის ბელგორიდის ოლქის გუბერნატორის, ვიაჩესლავ გლადკოვის განცხადებით, უკრაინის შეიარაღებულმა ძალებმა დღეს ოლქის რამდენიმე დასახლებული პუნქტი დაბომბეს, რის შედეგადაც მინიმუმ ორი ადამიანი დაიღუპა.

“უკრაინის შეიარაღებულმა ძალებმა შებეკინსკის რაიონის სოფელ მასლოვა-პრისტანის საავტომობილო გზის მონაკვეთი დაბომბეს. ჭურვის ფრაგმენტები გამვლელ ავტომობილებს მოხვდა. ერთ-ერთ ავტომობილში მყოფი ორი ქალი ადგილზე დაიღუპა. მეორე ავტომობილში კი ორი ადამიანი დაშავდა“, – დაწერა გუბერნატორმა „ტელეგრამის“ არხზე.

მისი თქმით, დაშავებულები საავადმყოფოში გადაიყვანეს. მათი მდგომარეობა მძიმეა.

ხუთშაბათს, ორმა ანტიპუტინისტურმა ჯგუფმა, რომლებიც რუსეთის მოქალაქეებისგან არის დაკომპლექტებული, განაცხადა, რომ კვლავ იბრძოდნენ რუსეთის ტერიტორიაზე, რაც მოსკოვის თავდაცვის სამინისტრომ უარყო. უკრაინის ოფიციალური პირები რუსეთის ტერიტორიაზე განხორციელებულ თავდასხმებში მონაწილეობას უარყოფენ და აცხადებენ, რომ აღნიშნული ჯგუფები დამოუკიდებლად მოქმედებენ.

banner
წინა სტატიაშიიონათამიშვილი – ცალკეული უკრაინელი მაღალჩინოსნებისგან არაერთხელ მოვისმინეთ განცხადებები, რომლებიც თითოეული ქართველისთვის მიუღებელი უნდა ყოფილიყო, ჩვენ მაქსიმალურად თავშეკავებული ვართ
შემდეგი სტატიახორვატიის პრეზიდენტი „სლავა უკრაინის“ მისალმებას „ზიგ ჰაილს“ ადარებს