აშშ-ს პრეზიდენტმა ჯო ბაიდენმა “განსაკუთრებული საშიშროების” გამო, რომელიც რუსეთის ფედერაციის საგარეო საქმიანობას ეხება, საგანგებო მდგომარეობა გამოაცხადა – ამის შესახებ ნათქვამია კონგრესისთვის გაგზავნილ წერილში, რომელიც “რუსეთის ფედერაციის სპეციფიური მტრული საგარეო პოლიტიკის გამო საკუთრების დაბლოკვის” დებულების დამატებაა.
“გატყობინებთ, რომ გამოვეცი ბრძანება ეროვნული საგანგებო მდგომარეობის გამოცხადების შესახებ ეროვნული უსაფრთხოების არატიპიური და საგანგებო საფრთხის, საგარეო პოლიტიკისა და აშშ-ს ეკომონიკის საფრთხის გამო, რომელსაც რუსეთის ფედერაციის მთავრობა თავისი მავნე საგარეო მოქმედებით ქმნის”, – ნათქვამია წერილში.
ასეთ მოქმედებებში ბაიდენი ასახელებს ქვეყანაში თავისუფალი და დამოუკიდებელი დემოკრატიული არჩევნების ჩაშლის მცდელობას, ასევე, აშშ-სა და პერტნიორ-ქვეყნებსა და მოკავშირეებთან დემოკრატიული ინსტიტუტების ჩამოშლას, რუსეთის თანამონაწილეობას დანაშაულებრივ კიბერშეტევაში, რომელიც აშშ-სა და მოკავშირეების წინააღმდეგ არის მიმართული, ტრანსნაციოონალური კორუფციის გამოყენებას, უცხო ქვეყნების მთავრობებზე ზეგავლენის მოხდენას და სხვა.
საგანგებო მდგომარეობის გამოცხადება იმის იურიდიულ საფუძველს ქმნის, რომ ამოქმედდეს აქტივების დაბლოკვის შესახებ კანონი. კრიზისული სიტუაციის გამო საგანგებო სიტუაცია შესაძლებელია ათობით წლები გაგრძელდეს, პრეზიდენტებიდან პრეზიდენტებზე, თუკი ამის საჭიროება არსებობს.
ბრძანების შემდეგ აშშ-ში დაიბლოკება იმ პირები აქტივები, რომლებსაც აშშ აღიარებს, რომ პირდაპირ ან ირიბად მონაწილეობდნენ რუსეთის ფედერაციის დანაშაულებრივ მოქმედებებში კიბერტექნოლოგიების გამოყენებით, ამა თუ იმ სახით აშშ-სა თუ სხვა ქვეყნების არჩევნებში ჩაერივნენ, აშშ-ს ან სხვა ქვეყანაში დემოკრატიული პროცესები მოარღვიეს, ჩაიდინეს მკვლელობები ან აშშ-ს მოქალაქეებს და მის პარტნიორებს ფიზიკური ზიანი მიაყენეს და სხვა.
შეგახსენებთ,რომ დღეს აშშ-მ 10 რუსი დიპლომატი გააძევა ქვეყნიდან.
წყარო: https://www.whitehouse.gov/briefing-room/statements-releases/2021/04/15/a-letter-on-blocking-property-with-respect-to-specified-harmful-foreign-activities-of-the-government-of-the-russian-federation/
